Kamis, Desember 14, 2017
Home > Sastra > Sragam Putih Abu-Abu

Sragam Putih Abu-Abu

Kiye crita tentang aku karo koe.
Crita cinta bocah remaja, sing nembe lulus sekolah.

Seragam Putih Abu-abu

Aku kenal koe miyen, pas dewek tesih SMA. Dewek beda sekolah, koe sekolah nang Madrasah Alliyah, aku nang STM Tamtama. Meski crita kiye wis suwe, tapi kadang aku esih sok kemutan. Karena koe, wong wadon pertama singenalna aku arti tekan kata “Cinta”.

Motor Fizr warna putih biru sing miyen aku nyilih aring kanca perekku, dadi saksi bisu dina paling maen nang wulan Mei 2007. Rampung pengumuman kelulusan koe tek ajak dolan, ngentengna dina tekan sore, jalan-jalan loroan nang pereng laut Pangandaran.

Sore kue nang pereng laut dewek njagong jejeran. Dolanan banyu, dolanan pasir, terus crita-crita karo gloehan. Koe ngerti, nggo aku sore kue akeh banget kenangane.

Pas wektu wis ngarepi magrib. Koe tek ajak balik, tapi jerene ngko disit. Koe mbukak tas, jukut pulpen terus nulis nang klambi seragamku, nang bagian gegerku,
“Koe nulis apa?”. Takonku.
“Hehe.. AWe.. Aku seneng koe. Kaya kue hehe”. Jawabmu karo ngguyu.
Terus gantian aku sing nulis nang klambimu, nang bagean geger ngisor,
“Nulis apa We..?”. Takonmu.
“Matur suwun, wis gelem seneng karo aku”. Jawabku.
“Hehe..hehe”. Dewek ngguyu bareng-bareng.

Apa koe ngerti, seragam putih abu-abu kue tesih ana tekan seprene. Tek simpen rapi nang lemari bareng kabeh kenangan tentang koe.

Siki koe nangdi?
Apa kangen kiye, koe ra pernah ngrasakna?
Jere tanggamu, koe pindah meng kota, nangapa ora pernah ngabari?

Pas aku nulis tulisan kiye, aku nyuwun maring Gusti Sing Nggawe Urip. Mbuh kepriwe dalane, semoga koe bisa maca tulisan kiye.
Aku mung pengin ngerti, kepriwe kabarmu siki?
————————
AWe, Lelaki penyuka kopi dan sepi.
Aku suka iseng menulis dengan tema Kamu (Seseorang yg kini menjadi masa laluku dan yg kelak akan menjadi masa depanku). Ini salah satu tulisan buat masa laluku. Kalau kau suka tulisan lebay seperti ini, kau bisa baca tulisan2ku yg lain yang aku post di blog pribadiku, di www.awelang.com
Selamat berlebay2 ria,
And.. Happy Reading 😊

(Visited 39 times, 1 visits today)

One thought on “Sragam Putih Abu-Abu

Tinggalkan Balasan

Alamat email Anda tidak akan dipublikasikan. Ruas yang wajib ditandai *